Погледнете го зачудувачкото видео од светски-познатиот гимнастичар, Дејмиен Волтерс (Damien Walters) како изведува неверојатни трикови во сала и на отворено. Се чини дека човеков е мешана сорта од гимнастичар и супер-мајмун. Грациозноста, прецизноста и брзината се само неколку од многуте позитивни карактеристики на неговите скокови.

Како пред некоја недела (Роџер Федерер изведува неверојатен трик) така и сега, Роџер Федерер повторно не изненадува. Петократниот шампион на US Open постигнува поен со удар меѓу нозе. Во мечот против аргентинецот Брајан Дабул, Роџер Федерер го направи истиот потег како и претходната година во полуфиналето на истиот турнир со Новак Џоковиќ.

Јапонски безбол играч ја воодушевил публиката со изведување на неверојатен Спајдермен – скок, сеза да ја фати топката која како што може да се види од видеото е упатена далеку од границите на теренот. 

Дерек Бојер (Derek Boyer) на 6 март 2005 година го постави рекордот за влечење на најголемата тежина што некој успеал да ја совлада. Камионот е од марка Кенворт (Kenworth)  модел К104 и тежи 51.840 килограми.  Дерек успеал да го влече камионот преку 30,48 метри на рамна површина во Брисбен, Австралија. Можеби рекордот е стар 5 години, но токму годините се тие кои покажуваат за тежината на самиот.  

Некои од вас можеби играле фудбал во кал, но веројатно тоа било само привремено и сте биле приморени да го сторите тоа заради временските услови. За разлика од вас, некои луѓе и не го сфаќаат тоа толку трагично и дури смислиле нов спорт, фудбал во кал.